ئارامگردن نرخ دۆلار لە بەغداد و بەرزەوبوینی لە هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت  جیگیربوی و  هەرێم کوردستان بەرزەوبوی.     

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 153800 دینار عراقی وەرانوەر 100 دۆلار ئەمریکی.  هەمان نرخ لە شەوەکی رووژ پەنجشەممە توومارکریایە.

پەیامنێرمان وتیش؛ نرخ فرووشتن و سەنین لە دوکانەیل بەغداد جیگیرە، ک نرخ فرووشتن رەسیە 150,750 دینار عراقی وەرانوەر 100 دۆلار ئەمریکی، و نرخ سەنینی رەسیە 148750 دینار.     

لەهەولێر پایتەخت  هەرێم کوردستانیش نرخ دۆلار بەرزەوبوی، ک نرخ فروشتن رەسیە 153800 عراقی وەراوەر 100 دۆڵار ئەمریکی، و نرخ سەنینی 153700 عراقی وەرانوەر 100 دۆلار ئەمریکی.