شەفەق نیوز/ دڵتەنگی وەرزی جویریگە لە خەمۆکی کە لوەختیگ دیاریکریاگ ساڵ رویدەێد فرەجار لە زمسان رویدەێد کە ساعەتەیل رووژ کوڵترە لە شەو، و نیشانەیلی بریتین لە هەسکردن وە دڵتەگی یا بیهیوابوین و کەمی هاز و ئاڵشتبوین خەو و ئەزرەت خواردن و لەدەسدان ئەزرەت ئەو چالاکیەیل لە وەرین چێژ لێ وەرگردید.
لە ماڵپەری .clevelandclinic باس لە هووکار و چارەسەرەیل دڵتەنگی وەرزی کردیە کە بریتیە لە:
1. چارەسەر رووشنایی، فرەجار ئێ بیماریە پەیوەنی وە کەمەوبوین تیشک خوەر دیرێد لە مانگەیل پاییز و زمسان، چارەسەرەکەی بریتیە لە دانیشتن لەوەردەم خوەر ئەرا ماوەی بیس تا سی خولەک لە وەخت شەوەکیان.
2.دژە خەمۆکی: هاتێ نواگیریکەر هەڵوژاردن دەرمان بریتی بوود لە دەرمانەیل (سیرۆتۆنین (SSRI) جویر فلۆکستین (Prozac) یا سێرترالین (Zoloft) ئەرا دەسمیەتیدان لە رێکخسن بار دەروینی بنویسرێد وەلایەن دکتۆریگ پسپۆر.
3. تەواوکەر ڤیتامین D، لە بڕیگ لە تویشبویل ئێ بیماریە دەرکەفتیە رێژەی ڤیتامین Dیان داوەزیاگە کە لە رێ خوەرەو دروسبوود لە پووس، هاتێ وەکارهاوردن تەووکەر ڤیتامین D دەسمیەتیدەر بوود ئەرا خاسترکردن بار دەروینی.
4. ئاڵشتبوین شێوازی زندگی جویر وەرزشکردن چالاکیی لەش وە وەردەوامی توەنێد دەسمیەتیدەر بوود ئەرا کەمکردن نیشانەیل دڵتەنگی.