شەفەق نیوز/ سەرچەوەیگ ئەمنی، ئمڕوو دووشەممە، خەوەردا دەسڵاتدارەیل لە فرۆکەخانەی ناودەوڵەتی کەرکوک توەنستنە ئاشکرای بکەن دوو کەس پاسەپۆرت ئیسرائیلی "ساختە" هەڵگردنەو دەسگیریان بکەن.
سەرچەوەگە وە ئاژانس شەفەق نیوز وت، وەڕێوەبەر بەش پاسەپۆرتەیل فرۆکەخانەی ناودەوڵەتی کەرکوک عەمید سەعەد خەلەف تمێمی، توەنستیە دوو کەس ئاشکرابکەێد کە پاسەپۆرت ساختەی ئیسرائیلی وەپیان بویە، وتیش ساختەبوینەگە لە مەوقەی هویردبینیکردن ئەرا پاسەپۆرتەگە بویە، هنای دەرچگە ئەو بەڵگەنامەیلە دوو کەسەگە هەڵیگردنە ساختەس.
وتیش، دوو کەسەگە لەفرۆکەخانەی ناودەوڵەتی کەرکوک وەلایەن تیمەیل پاسەپۆرتەیل دەسگیرکریانە، و ئیرنگە دەسوەسەرن و لایەنە پەیوەنیدارەیل لێکۆڵینەوە وەگەردیان کەن.