شەفەق نیوز/ سەرچەوەیگ ئەمنی، ئمڕوو جمعە، خەوەردا لە خوەیکوشتن گەنجیگ لەناو ماڵەگەی، لە سێیەم رویداو لەیجویرە لە ماوەی 24 ساعەت گوزەشتە لە بەغداد پایتەخت.
سەرچەوەگە ئەرا ئاژانس شەفەق نیوز وت: گەنجیگ لەداڵگبوی ساڵ 2001، وە پەتیگ وەقەی پانکەی قەواسەی ماڵەگە لە ناوچەی شورتە رابعە خوەی دادە سێدارە و خوەی کوشت.
وتیش؛ هوکار خوەیکوشتن ئەو گەنجە نادیارە، و پولیس لێکۆڵینەوە لە رویداوەگە واز کرد.
جی باسە کە دویەکە سەرچەوەیگ ئەمنی ئەرا ئاژانس شەفەق نیوز وت: دویەتیگ لەداڵگبوی ساڵ 2006 وە پارچە پەڕوویگ خوەی دادە سێدارە، لەناو ماڵەگەی لە شار سەدر وەبی زانستن هووکارەگەی.
سەرچەوەگە وتیش؛ تەقەلای خوەیکوشتن گەنجیگ وە گولەی دەوانچە لە ناوچەی حەی جیهاد شکست هاورد.