شەفەق نیوز/ سەرچەوەیگ ئەمنی، شەفەق ئمڕوو چوارشەممە، خەوەردا کە مەفرەزەیل پولیس رەسافەی بەغداد، توومەتباریگ دەسگیر کرد کە لە پارێزگایەیل بەسرە و میسان داوا کریاگە، وەگورەی مادەی چوار لە یاسای دژە تیرۆر، دویای جیوەجیکردن چەن تاوانیگ لە ماوەی ساڵەیل گوزەشتە.
سەرچەوەگە ئەرا ئاژانس شەفەق نیوز وت: توومەتبارەگە لەناو لێکۆلینەوە چگە ژیر تاوانەیلی وە جیوەجیکردن بڕیگ تاوان، لەلییان:
لە ساڵ 2006: خوەی و کەسوکارەیلی کەسیگ لە ناوچەی عزیز کوشتنە.
لە ساڵ 2013: بەشداری لە کوشتن کەسیگ وە تفەنگ کلاشینکۆف لە ناوچەی کرمە.
لە ساڵ 2017: بەشداری لە تاڵانکردن ماشینیگ و کوشتن خاوەنی لە ناوچەی سۆب ئەلهوێر ئمجا ماشینەگەی فرووشتیە و تەرمەگە لە شوین دویریگ فڕە داگە.
لە ساڵ 2018: بەشداریکردن لە کوشتن ژنیگ وە تفەنگ کلاشینکۆف، دویای هاوردنی لە ناوچەی بوب شام.
لە ساڵ 2019: بەشداریکردن لە کوشتن کەسێک لە ناوچەی کوت زەنین لە پارێزگای بەسرە، ئەوەیش وە گولەی تفەنگ کلاشینکۆف.
هەمیش ساختەکاری کارت نیشتمانی لە پارێزگای بەسرە کردگە، کە بڕیگ ئاگاداری لەی باوەتە هابانی.
سەرچەوەگە دیاری کرد کە لایەنەیل پەیوەندیدار ریکارەیل یاسایی وەگورەی جیوەجی کردن، تا بکەفێدە دادکاری.