بزوتنه‌وه‌ی تاڵیبان کۆنتڕۆڵکردنی ته‌واوی ویلایەتی پەنجشیری ڕاگەیاند
دیجیتاڵ میدیای سپێده
وتەبێژی تاڵیبان، زەبیحوڵڵا موجاهید: "ویلایەتی پەنجشیر بە تەواوی فەتح کرا.
موجاھید، لە ھەژماری تایبەتی خۆی لە تۆڕی کۆمەڵایەتی تویتەر راگەیاندراوێکی بڵاوکردەوە و دەربارەی دواین بەرەوپێشچوونەکانی پەنجشیر زانیاری خستووەتەڕوو و، نوسیوویەتی: "ویلایەتی پەنجشیر بە تەواوی فەتح کرا".
بەم شێوەیەش تەواوی ئەفغانستان کەوتووەتە دەست تاڵیبان.
بەرەی خۆڕاگری گەلی ئەفغانستان کە لەلایەن ئەحمەد مەسعوود-ی کوڕی وەزیری پێشووی بەرگری ئەفغانستان، ئەحمەد شا مەسعوود رابەرایەتی دەکرا، دوای ئەوەی لە ١٥ی ئابدا تاڵیبان توانی کابوڵ-ی پایتەخت کۆنتڕۆڵ بکات، کۆمەڵێک داوای لە تاڵیبان ھەبوو بەڵام دانوستانەکانی نێوانیان نەگەیشتە ئەنجام، دواتر ھێزە چەکدارەکانی تاڵیبان ھێرشیان کردە سەر ویلایەتەکە و دوای نزیکەی یەک ھەفتە لە پێکدادان، ئه‌مڕۆ بزوتنه‌وه‌ی تالیبان ناوچه‌كه‌ی كۆنترۆڵ كرد