له دووەم ھێرشی چەکداریی لە ویلایەتی باشووری کارۆلینای ئەمریکا نۆ کەس برینداربوون
2022-04-18 00:00:00 - سەرچاوە: سپێده
دیجیتال میدیای سپێده
لە ئەمریکا لە دوای ئەو ھێرشە چەکدارییەی دوێنێی ویلایەتی باشووری کارۆلینا، ئەمڕۆش نۆ کەس لە ئاکامی ھێرشێکی چەكداریی دیکە برینداربوون.
بەپێی ئەو ھەواڵەی کە لە مێدیاکانی ئەمریکا-وە بڵاوکراونەتەوە ئەم بەیانییە لە ھامپتۆن کەنتی ھێرشێکی چەکداریی کراوەتە سەر کتێبخانەیەک.
بەرپرسەکان ئەوەیان راگەیاند کە ھێرشەکە برینداربوونی نۆ کەسی لێکەوتووەتەوە.
دوێنێ ھێرشێکی چەکداریی دیکە لە ویلایەتەکە روویدابوو و لە ئەنجامدا ١٤ کەس برینداربوو بوون.
سەرلە بەیانی ئەمڕۆ لە شاری پیتسبورگ-ی ویلایەتی پێنسەلڤانیا لە ئاکامی تەقەکردن لە ئاھەنگێک لە خانووێکدا دوو کەس کوژران و ھەشت کەس برینداربوون.
