د.شێركۆ جه‌وده‌ت: گه‌ر هه‌رێم و به‌غدا رێكنه‌كه‌ون دۆخی بودجه وئه‌منی كوردستان زۆر مه‌ترسیدار ده‌بێ
دیجیتاڵ میدیای سپێده
پێش نیوه‌ڕۆى ئه‌مڕۆ دوو شه‌ممه سه‌رۆكى هه‌رچوار فراكسیۆنى ئۆپۆزسیۆنى یه‌كگرتووى ئیسلامى و كۆمه‌ڵى دادگه‌رى و نه‌وه‌ى نوێ و شیوعى كۆبوونه‌وه.
له كۆبوونه‌وه‌كه‌دا پرسه‌كانى وه‌ستاندنى كۆبونه‌وه‌كانى په‌رله‌مان و نیه‌تى ده‌سه‌ڵات بۆ دواخستنى هه‌ڵبژاردن و پرسى داهات و مووچه‌ى خه‌ڵك و كێشه‌كانى كورد له به‌غدا خرایه‌ڕوو، لایه‌نه ئۆپۆزسیۆنه‌كان وێڕاى هۆشدارى توندیان بۆ لایه‌نه‌كانى ده‌سه‌ڵات هاوكات هۆشدارى ده‌ده‌نه حكومه‌ت له شكستهێنانى و ته‌واوى ئه‌م چه‌قبه‌ستوویی و شكستانه‌ش ده‌خه‌نه ئه‌ستۆى سێ لایه‌نى ده‌سه‌ڵات له هه‌رێمى كوردسستان.
د. شێركۆ جه‌وده‌ت سه‌رۆكی فراكسیۆنی یه‌كگرتوو له‌په‌رله‌مانی كوردستان ڕایگه‌یاند، "ئێمه وه‌ك و ئۆپۆزسیۆن هۆشداری ده‌ده‌ین ئه‌گه‌ر هه‌رێم و به‌غدا رێك نه‌كه‌ون دۆخی بودجه وبژێوی وئه‌منی كوردستان زۆر مه‌ترسیدار ده‌بێ."
وتیشی، "پارتی و یه‌كێتی نایانه‌وێت هه‌ڵبژاردنی په‌رله‌مانی كوردستان له‌كاتی خۆیدا ئه‌نجامبدرێت".
ئه‌وه‌شی ڕاگه‌یاند،" په‌كخستنی له‌لایه‌ن پارتی و یه‌كێتیه‌وه قبوڵناكه‌ین"
