نرخی نه‌وت به‌رزبوویه‌وه
دیجیتال میدیای سپێده
نرخی نه‌وت له‌بازاره‌كانى جیهان دا به‌رزبووه‌وه‌و به‌رمیلێك نه‌وتی برێنت به‌نزیكه‌ی95 دۆلار مامه‌ڵه‌ی پێوه‌ده‌كرێت.
ئه‌مڕۆ به‌گوێره‌ی داتاكانی بازاڕی جیهانی نه‌وت و دوای كردنه‌وه‌ی بازاڕه‌كان، نرخی نه‌وت به‌رزبوونه‌وه‌ی به‌رچاوی تۆماركرد و به‌راورد به كاتی داخستنی بازاڕه‌كان له ڕۆژی رابردوو چه‌ند سه‌نتێك به‌رزبووه‌وه،نرخی یه‌ك به‌رمیل نه‌وتی خاوی برێنت به 95 دۆلار و 31 سه‌نت مامه‌ڵه‌ی پێوه‌ده‌كرێت.
هاوكات به‌رمیلێك نه‌وتی خاوی ته‌كساس به‌رامبه‌ر به 89 دۆلار و 29 سه‌نت مامه‌ڵه‌ی پێوه‌ده‌كرێت و ئه‌ویش به‌هه‌مانشێوه نرخه‌كه‌ی به‌رزبووه‌ته‌وه.
ئه‌مه له كاتێكدایه، له‌ماوه‌ی ڕابردوودا نرخی به‌رمیلێك نه‌وت گه‌یشته زیاتر له 130 دۆلار و دواتریش دابه‌زییه‌وه خواره‌وه به‌هۆی زیادبوونی ئه‌گه‌ره‌كانی رێككه‌وتنی ئاشتی له نێوان روسیا و ئۆكرانیا.
