عێراق.. له یازده مانگى رابردودا بڕى 438 هه‌زار تۆن غازى هه‌نارده كردوه
2022-12-06 00:00:00 - سەرچاوە: سپێده
دیجیتاڵ میدیای سپێده
وه‌زاره‌تی نه‌وتى عێراق بڕی هه‌نارده‌كراوی غازی له ماوه‌ی 11 مانگی ڕابردوودا راگه‌یاند، كه كۆى گشتى 438 هه‌زار تۆن غازى چڕ بووه.
"سوڵتان مالیكی" به‌ڕێوه‌به‌ری ده‌سته‌ی بازرگانی له كۆمپانیای غازی به‌سره‌ی سه‌ر به وه‌زاره‌تی نه‌وت، به ئاژانسی هه‌واڵی عێراقی ڕاگه‌یاندوه: "تا یه‌كه‌م ڕۆژی مانگی كانوونی یه‌كه‌می ئه‌مساڵ كۆمپانیاكه 27 باری له غازی چڕ به (كه‌شتی) هه‌نارده‌ى دره‌وه كردووه، كه ده‌كاته 438 هه‌زار تۆن.
به‌رپرسه‌كه‌ى وه‌زاره‌تى نه‌وت ئاماژه‌ی به‌وه‌شكرد:"كۆمپانیاكه له پرۆسه‌ی هه‌نارده‌كردنی 3 باری دیكه‌ى غازی خه‌ستدایه له‌م مانگه‌دا،كه‌ده‌كاته 16 هه‌زار تۆن بۆ هه‌ر بارێك.
