نوێنه‌رى نه‌ته‌وه‌یه‌كگرتووه‌كان له‌عێراق بۆ دیدارى سیستانى سه‌ردانى شارى نه‌جه‌فى كرد
2022-12-07 00:00:00 - سەرچاوە: سپێده
دیجیتال میدیای سپێده
نوێنه‌رایه‌تى نه‌ته‌وه‌یه‌كگرتووه‌كان له‌عێراق، ئه‌مرۆ سه‌ردانى پارێزگاى نه‌جه‌فى كرد بۆ ئه‌نجامدانى دیدارێك له‌گه‌ڵ مه‌رجه‌عى باڵاى شیعه‌كان عه‌لى سیستانى.
جینین هینس پلاسخارت، نوێنه‌رى ئه‌میندارى گشتى نه‌ته‌وه‌یه‌كگرتووه‌كان بۆ عێراق، سه‌ر له‌به‌یانى ئه‌مرۆ به‌یاوه‌رى شاندێكى یۆنامى سه‌ردانى شارى نه‌جه‌فى كردوه بۆ ئه‌نجامدانى دیدارێك له‌گه‌ڵ عه‌لى سیستانى مه‌رجه‌عى باڵاى شیعه‌كان له‌عێراق.
پلاسخارت له‌ماوه‌ى سه‌ردانه‌كه‌یدا تاوتوێى دۆخى سیاسى وسه‌قامگیرى ناوچه‌كه له‌گه‌ڵ سیستانى ده‌كات، وپلاسخارت چه‌ندین سه‌ردانى دیكه‌ى هاوشێوه‌ى ئه‌نجامداوه بۆ لایى مه‌رجه‌عه ئایینیه‌كان وكه‌سایه‌تییه سیاسییه‌كانى ناوچه‌كه.
