زەویلەرزەیگ وە ٦.١ پلە دەێد لە رووسیا
2023-02-25 00:00:00 - سەرچاوە: شـه‌فـه‌ق نيـوز
شەفەق نیوز/ زەویلەرزەیگ وەتونی ٦.١ پلە لەبان پەیمانەی ریختەر، ئمڕوو شەممە، دادە باشوور نیمچە دوورگەی کامشاتکا خوەرهەڵات رووسیا.
میدیایل راگەیانن رووس، لە زوان خزمەت وەشکین جیۆلۆجی وتن: زەویلەرزەیگ وەتونی ٦.١ پلە لەبان پەیمانەی ریختەر دادە باشوور نیمچە دوورگەی کامشاتکا خوەرهەڵات رووسیا.
ئی رووژەیلە، تووکڵ زەوی کەفێدە وەر زەویلەرزەیل گەورەیگ، و وەهازتریان لە باشوور تورکیا و باکوور سوریا بوی، ک بویە هوکار کوشیان زیاتر لە ٥٠ هەزار کەس، و زەخمداری هەزاران و خاپوورکردن سەدان ماڵ.
