هەواڵی کوردستان ئێستا

شەفەق نیوز/ سێ کەس وە رویداویگ هاتوچو، ئمڕوو شەممە، لە پارێزگای دیوانیە گیانیان لەدەس دان.

سەرچەوەیگ لە پولیس ناوخوەیی ئەرا ئاژانس شەفەق نیوز وت: سێ کەس لەناو ماشینیگ کرا لەبان ری زوینەی وەرکا لە نزیک نەبی سولەیمان لە شار سماوە گیانیان لەدەس دان.

سەرچەوەگە دیاری کرد ک ماشینەگە دویای ئەوەگ دادە کۆنکریت بان ریەگە، لە ری خوەی دەرچگ و پلیا.

هەرلیوا، سەرچەوەیگ ئەمنی بە پارێزگای میسان، خەوەردا لە کوشیان و زەخمداری ٣ کەس وە مرافەیگ چەکدار لەناوڕاس پارێزگاگە.

سەرچەوەگە ئەرا ئاژانس شەفەق نیوز وت: لە مرافەیگ لەبان پارچە زەوییگ کشتوکاڵی رەسیە وەکارهاوردن چەک لەناوچەی جەمعیات ناوڕاس شار عمارە.

سەرچەوەگە وتیش؛ رویداوەگە بویە مدوو کوشیان کەسیگ و زەخمداری دوو کەس، و تاوانکار سەرەکی وەرەو شوینیگ نادیار وای.