هەواڵی کوردستان ئێستا

شەفەق نیوز/ سەرچەوەیگ، ئمڕوو سێشەممە، خەوەردا لە خوەینیشاندان دەرچگە یەکەمەیل کۆلێجەیل زانکۆی گەرمیان لە خانەقین وە مدوو ئەوەگ زانکۆگەیان وە باوەڕوەپینەکریاگ لەقەڵەم دریاس و بیبەش بوون لەماف دامەزانن.

سەرچەوەگە وە ئاژانس شەفەق نیوز راگەیان، شەوەکی ئمڕوو دەرچگەیل زانکۆی خانەقین لەنوای دەر زانکۆگە خوەینیشاندان ئەنجامدانە لە دژ ئەو بڕیارەی بەغدا ک زانکۆی گەرمیان وە باوەڕ وەپینەکریاگ دانایە ک لە ئەنجام بڕیارەگە دەیان دەرچگە یەکەمەیل بیبەش بوون لە ماف دامەزاننیان.

سەرچەوەگە وتیش، خوەنەوارەیل داوای ماف دامەزران خوەیان کردنە لەپای چوار ساڵ خوەنیان و دەرچگن وە یەکەم ک وە مدووی باوەڕ نەکردن وە زانکۆگە بیبەش کریانە لەلی.