دویوتیگ توومەتبارە وە کوشتن 19 کەس لەبان زەفتکردن مۆبایلەگەی.
ئەو دویەتە تەمەن نزیکەی ١٥ ساڵە لە دانیشتنەگە لە دادگای ناوچەی باشوور دی سی لە جۆرج تاون ئامادەبوی و فەرمان دەسگیرکردنی دەرچگ، تا ریکارەیل دادگا جیوەجی بکریەێد.
پولیس باس لەوە کەێد ک ئەو دویەتە لە ٢١ ئایار ئاگر مەکتەو ئامادەیی مەهدیە دایە، لە تویڕەیی لەو کەسەیلە کە وەرپرسن لە زەفتکردن مۆبایلەگەی.
توومەتبار ری وەپی نەدریاگە قسەی وەرانەوەر توومەتەیل بکەێد و ئەرا گلەی دویەم لە ٥ تەمووز لە دادگا ئامادە بوود، هەناێ پارێزەیل ویلایەت وە وەرگری دیاری کەن ک ئایا ئامادەس ئەرا دەسکردن وە دادگایی سەرەتایی یا نە.
ئەگەر توومەتبارەگە سزا بدریەێد، هاتێ سزای هەتاهەتایی لەبانی چەسپیەێد.
ئاگرەگە لە قوتابخانەگە، کەمیگ وەرجە نیمەی شەو هیز گردگە، و زیاتر لە ٢٠ خوەنەوار زەخمدار بوین، لە وەختیگ ٢٠ خوەنوار رزگار کریان.
جیراڵد گۆڤێیا، ڕاوێژکار ئاسایش نیشتمانی وت: خانمە سەرپەرشتیار بیناگە، یا داڵگ ماڵەکە، گشت پەنج دەرەیل بیناگە ملیل کردوێد، تا نەیلێد دویەتە خوەنەوارەیل ک تەمەنیان لە ناوەین 12 تا 18 ساڵە، وە دزییەوە بچنە دەیشت تا وەگەرد کوڕەیل لە شاروچکەی کانگاکە پەیوەندی کۆمەڵایەتی بکەن.
ژنەگە مەوقەی ئاگرەگە سەر لەلی شیویا و هەڵپڕکیا، و کلیلەیل لەلی کەفتنە.
