هەواڵی کوردستان ئێستا

شەفەق نیوز/ شێرپەنجەی کۆلۆن یەکیگە لە بڵاوترین و رخبەرترین جویرەیل شێرپەنجە لە سەرانسەر جەهان لەناو ژن و پیاوەیل.

پێگەی هێڵس دایجست راگەیاندیە، شێرپەنجەی کۆڵۆن مەوقەیگ دروسبوود خانە شێرپەنجەیەگان لەناوپووش کۆڵۆن کەڵەکەبوون و ئەوزەوڵ کەن،  وەپای ئاماریگ رێکخریاگ بەرەنگاربوین شێرپەنجەی کۆڵۆن، وە گشتی لە هەر 20 کەسیگ هاتێ یەکیگیان تویش بیماری شێرپەنجەی کۆڵۆن بوود.

هەرچەنە هووکار بۆماوەیی رۆل گەپیگ دیرێد لە تویشهاتن وە بیماریەگە، وەگەرد یەیش هووکارەیل دەرەکی جویر زیایچگن لە خواردن شەکر و خوەراکەیل دەسکرد و گووشت سوور و خواردنەیل کهولیەگان دەور گرنگیگ دیرێد لە تویشهان وە بیماریەگە.

وەپای نووترین توێژینەوەیل، قەبزی درویژە وەختە یەکیگ ترە  لە هووکارەیل تویشهاتن وە شێرپەنجەی کۆڵۆن، ئەو کەسەیلە قەبزی درویژەوەختە دیرن 1.78 جار ئەگەر تویشهاتنیان وە بیماریەگە زیاترە.