هەواڵی کوردستان ئێستا

شەفەق نیوز/ پیایگ چینی لە تەمەن 80 ساڵە، سویر دویەتیگ کرد کە 57 ساڵ لە خوەی بەیچگترە، کە دویەتەگە تەمەنی 23 ساڵە، دویای ئەو کە لە ماڵ پیرەیل چەویان وەیەک کەفت، و من کەفتنە دڵداری.

وەگورەی راپۆرتەیل رووژنامەوانی، چیرووکەگە لە ناوچەی هیبی لە وڵات چین دەسوەپی کرد، کە دویەتەگە وەناو شیاو فانگ، لەناو ماڵ پیرەیل کار کەێد، لەورا چەوی کەفتە ئەو پیاو پیرە وەناو لی، زویوەزوی خی وەیەک دان، و لە کۆتایی بویە چیرووکیگ رۆمانتیکی، و بڕیار دان سویر بکەن، هەرچەن باوان دویەتەگە رازی نەوین، وەلێ واز لە باوگ و داڵگ خوەی هاورد، و شوی کردە پیاوە پیرەگە، وەگورەی قسەی سایت  news18.com.

دویەتەگە ئاشکرا کرد کە بەرەو دانایی ئی پیاوە، کەفتیەسە دووسیی، و پیاوەگەیش، ئەرا گورجی و گەنجی دویەتەگە دووسی تواستیە.

لەی دویاییە، ئەو ژن و شویە ئاهەنگ سویر بویچکیگ کردن، وەلێ کەسوکارەیل زاوا و وەوی لەناوی نەوین، کە رازی وەی کارە نیین.

وینەیل پڕ لە دووسی لەبان سۆشیال میدیا بڵاو بوین، کە گرتەیل رۆمانتیکی لە وەردەم کامیرایل نشان دان.