هەواڵی کوردستان ئێستا

شەفەق نیوز/ لە مانگ ئەیلول 2024، فرووش ماشین عراق وەچەو ساڵ گوزەشتە وەڕیژەی 3.5% داوەزیاس، وەگەرد ئەوەیش قەوارەی فرووشەیل وەڕیژەی 24.7%  وەرانوەر ساڵ گوزەشتە گەشە کردگە، فرەی ئەو مارکەیلە لە دە پلەی یەکەم بەرزەوبوین وەرچەویگ توومار کردنە.

 کۆمپانیای Focus 2 Move  لە ڕاپۆرتیگ کە ئاژانس شەفەق نیوز دیەسر “داتای کەڵەکەبوی تا مانگ ئەیلوول 2024 لەڕوی مارکە، تۆیۆتا لە پیشەنگیە وە 32 هەزار و 434 فرووش (+42.6%)، لە دویای ئەویش کیا وە 30 هەزار و 266 توومارکردن نوو (+25.7%).” 

 وەگورەی ڕاپۆرت کۆمپانیاگە، هیۆندا هاتە پلەی سێیەم  وە 15,201 توومارکردن نوو (+41.3%)، ئیجا کۆمپانیای MG لە پلەی چوارەم وە 7,768 فرووش (-20.6%)، سوزوکی لە پلەی پەنجەم، یەک پلە بەرزەو بویە - وە 4,504 (+69.1). %)، و شۆفرلێت وە پلەی شەشەم وە فرووش 3,621 (-11.7%) و ووڵ پلەی هەفتەم وە  2,609 فرووش کەڵەکەبوی (+65.7%).”

وتیش: "ماشین شانجان پلەی هەشتەم هاورد وە فرووش 2552 (+16.9%)، ئیجا چێری لە پلەی نۆهەم وە فرووش 2384 (+5%)، دویای ئەوە  نیسان کە کەفتە پلەی دەهەم وە فرووش 1460 ماشین نوو". 

 وتیش: “ئەرا مۆدێلە هەڵوژیاگەیل، تۆیۆتا هایلۆکس بویە پڕفرووشترین ماشین وە زیایبوینی44.3% لە فرووشی لە چەو ساڵ گوزەشتە، لە دویای ئەویش کیا فرۆنتێر تیەێد، وە زیایبوین 16.8%”.