هەواڵی کوردستان ئێستا

شەفەق نیوز/ وەگەرد بڵاوبوین تەکنەلۆژیا  ئالوودەبوینەیل جویراوجویریگیش پەیابوون یەکیگ لەوانەیش ئالوودەبوینە وە بازیەیل ئەلکترۆنی کە حالەتەگە کاریگەری نەرێنی وەبان ژیان بازیکەرەیل دروسکەێد.

وەپای ماڵپەڕ "Cleveland Clinic "ئەو نیشانانەیلە هاتێ نیشانەیگ بوون ئەرا ئالوودەبوین وە بازیەیل ئەلکترۆنی بریتین لە:

 

1. سەرقاڵبوین وە بازیەگان و وە وەرداوامی هویری هالای تەنانەت مەوقەیگ بازیش نیەکەێد.

 

2.نەتوەنێ واز لە بازیکردن بارێد یان کەمی بکەێد.

 

3. هەستکردن وە تویرەیی، سترێس، یا خەمۆکی هەنای نیەتوەنێد بازی بکەێد.

 

4. وەکارهاوردن بازیەگان جویر ریگەیگ ئەرا قورتاربوین و مامەڵەکردن وەرد فیشار دەروینی.

 

5. لەدەسدان ئارەزوو لە ئەنجامدان چالاکییەگان کە لە گوزەشتە  چێژبەخش بوین.

6. پشتگووش خسن ئەرکەیل مەکتەو، پیشەیی، یا ماڵ لەوەر بازی.

7. هەسکردن وە شەکەتی وەردەوام لەوەر وەسەربردن وەختفرەیگ وە بازیکردن.

 

8. کەمخەوی یا تێکچگن خەو لە ئەنجام بازیکردن ماوەی فرەیگ.

 

9. کێشەی نوڕین پشت و مڵ ژان و ژان مەچەک و دەس لەوەر وەردەوامی بازیکردن.