هەواڵی کوردستان ئێستا

شەفەق نیوز/ هەساری نوویگ کە تەنیا  64.5 ساڵ رووشنایی لە زەوی دویرە، تایوەتمەنی ئەڵاجەویگ لە بەرگە هەواگەی شارێدەو.

 

وەپای توێژینەوەینیگ  کە زانکۆی جۆنز هۆپکینز لە داتایەیل تەلەسکۆپ چوڵایی ئاسمان جەیمس وێب ئەنجام دریایە، زاناگان ئەرایان دەرکەفتیە، هەسارەگە نزیەکە لە زەوی بوونخایە گەنیای دەێد.

 

توێژینەوە نووەگە کە لە گۆڤار"نەیچەر" بڵاوکریایە، باس لەوەکەێد ،  بەرگەهەوای هەسارەی دەرەکی"HD 189733 b" کە تەنیگ گازییە وە قەبارەی موشتەری، بڕیگ کەم لە هایدرۆجین سولفاید گرێدەخوەی.

ئێ مۆلیکولە بیجگە لە دەرکردن بوون ناخوەشیگ، نیشانەی نوویگ وەزانایەیل دەێد چوین گۆگرد   کە بلۆکەیگ بوونیادنەر هەسارەیلە ، کاریگەری وەبان ناو و بەرگەهەوای هەسارەیل دەێشت "هەساریل دەێشت کۆمەڵەی خوەر" دیرێد.

پلەی گەرمی فرەبەرزە رەسێد 927 پلەی سەدی و هەسارەگە وە کەشوهەوای تون ناسریاگە، لەناویشی وارانیگ شیشەیی   و وایگ 5000 میل لە ساعەتیگ دیرێد.