هەواڵی کوردستان ئێستا

شەفەق نیوز/ دویای ئەوەگ جۆ بایدن سەرۆک ئەمریکا لە هەڵوژاردن سەرۆکایەتیی ئەمریکا خوەی کیشادەو، و خانمە جگری کەمالا هاریس کەفتە ناو هەڵوژاردن، مەردمەیل ناو سۆشیال میدیاد باسیان بویە باس ئەو چیرووکە  وەگەرد زنجبرە کارتۆن وەناوبانگ سیمپسۆن.

 تووڕە کۆمەڵایەتییەیل کەفتنە فتراق بەراوردکردن لە ناوەین لە خانمە جیگر سەرۆک کامالا هاریس کە پرتاڵ وەنەوشەیی لەوەری بویە و دەرکەفتن لیزا سیمپسۆن ئەرت سەرۆکایەتی لە هەڵقەی زنجیرەی سیمپسۆنە کە لە ساڵ 2000 پەخشکریا، وەگورەی ئەوەگ رووژنامەی بەریتانی “دەیلی مەیل” بڵاوی کردگە.

 خانمە ئەکتەر کلۆدیا جۆردن وینەیگ هاریس و سیمپسۆن بڵاوکرد و نویسان: “سیمپسۆن وەرجەیە مەزەنەی ئەوە کردگە”.

 مەردم ئەنتەرنێت  هەڵقەی 17ی وەرز 11ی فیلم The Simpsons دەرکردن، کە لەناوی لیزا کە هاوشیوەیگ نادیار وەرد هاریس دیرێد، کاروبار کۆشک چەرمگ وەڕیەو بەێد.

مەردمەیل سۆشیال میدیا باس ئەوە کەن کە لە هەڵقەیگ لیزا سیمپسۆن جویر سەرۆک ئەمریکا لە دویای دۆناڵد ترەمپ سەرۆک وەرین ئەمریکا نیشان دریەێد، و کەسەیلیگ ترەک پرسیار لە دروسی مەزەنە وەردەوامەیل بنەماڵەی سیمپسۆن کەن.

یەیش وەجیهاتن  یەکیگە لەو مەزەنەیل فرە کە لە فیلم The Simpsons هاتیەسە دی، لەوانە دۆناڵد ترەمپ و کاندیدکردنی ئەرا سەرۆکایەتی ئەمریکا، زاڵبوین ڕۆبۆتە زیرەکەیل، بڵاوبوین ئیبۆلا، هاتن ساعەت زیرەک، رسوایی گەندەڵی فیفا، زاڵبوین دیزنی لە سەدەی بیسەم لەبان کۆمپانیای فۆکس، دەنگدان هەڵەی ئامێرەیل، و سەرکەفتن پینگ ڕ.هۆڵمسترۆم لە خەڵات نۆبڵ، پەلامار  پەڵنگ زیگفرید و ڕۆی، پەیوەندییە ڤیدیۆییەیل، قەیران ئابووری لە یۆنان و پێشبڕکێی بۆشایی ئاسمانی ڕیچارد برانسون.