هەواڵی کوردستان ئێستا

شەفەق نیوز/ وەپای توێژینەوەیگ کە زانایەیل بڵاویکردن،ئاڵشتبوین کەشوهەوا  ئاڵشتکاری لە شێواز وارانوارین لە سەرانسەر جەهان دروسکەێد و یەیشە زریان و گەردەلویل  تونیگ وە دویای خوەی تیارێد.

زانایەیل ئویشن؛ زریانە تونەیل بەشیگن لە دیاردەی فراوانیگ لە دیاردە تونەیل کشوهەوا کە وە مدوو بەرزەوبوین پلەی گەرمی روی دەێد.

توێژەرەیل وە سەرۆكایەتیی چانگ وین شیا لە ئەكادیمیای چینی ئەرا زانست زانیارییە مێژووییەگان كەشوهەوا توێژینەوەگە  ئەنجامدانە، رەسینەس ئەو ئەنجامە نزیکەی 

 75%ی رووبەر هشکایی لە جەهان بەرزەوبویە لە وارانوارین ناڕێک یا ئاڵشتبوین فراوانیگ لەناوەین کەشوهەوای هشک و چامدار وەسەریانهاتیە.

لەو توێژینەوە کە لە گۆڤار   “ساینس” بڵاوكریاس توێژەرەیل ئوشن، بەرزبوین پلەی گەرمی بویەسە هووکار زیایبوین توانای بەرگەهەوا لە پارێزگاریكردن لە چامداری یەیش بوودە هووکار زیایبوین ناڕێكی فرەیگ لە وارانوارین.

ستیڤن شیروود، زانا لە ناوەن توێژینەوەیل ئاڵشتبوین ئاووهەوا لە زانكۆی نیو ساوس ویلز، كە بەشداربووی توێژینەوەگە نەکردیە ، وت، “ناڕێكییەیل لە فرەیگ  شوینەیل زیایکردیە، لەناویانیش ئوسترالیا، یەیش واتە ماوەیگ واران فرە تونیگ و ماوەی هشکی فرەتریگ لە گوزەشتە" وتیش " وەگەرد وەردەوامبوین لە دیاردەی گەرمەوبوین جەهان زیایکەێد، کە دەرفەت رویداوەیل هشکەوبوین و لافاو زیایکەێد".