هەواڵی کوردستان ئێستا

شەفەق نیوز/ شار پەرلین تاقیکردنیگ ناوازە پیشکەش کەێد، وەگەرد هەیتاوەیگ بەرزیەگەی رەسێدە 120 متر، کە بەرزترینە لە ئەوروپا.

 

ئەو هەیتاوە خریاسە بان یەکیگ لە هوتێلەیل شارەگە، و نووڕینیگ بانوڕامی رەنگین ئەرا پایتەخت ئەڵمانیا دروس کەێد.

لە حوزەیرانەو کە ئی هەیتاوە نریاس، نزیکەی سەد کەس لە رووژیگ سەردانی کەن، کە تا ماوەی 5 خولەک وە نزیکەی بیس یۆرۆ سواری بوون.

 

باسکال ڤینت، باس تاقیکردن ئی هەیتاوە کرد کە هەسیگ ئازادی وەپی وەخشێد، دویای یەکەم شەکیانی، لە وەختیگ ڤیکتۆریا فۆیگت باس هەسکردن وە باڵگردن کرد.

ئاندی هۆڤور، وەڕیەوبەر ئەو کۆمپانیا کە ئی هەیتاوە خەێدە کار، وت: ئامانجمان ئەوسە تاقیکردنیگ جیاواز پیشکەش بکەیمن کە لە تاوەر تەلەفزیۆن پەرلین ئەوبانتر بوود، کە ئەوە بەرزیەگەی رەسێدە 368 متر، ئی هەیتاوە نووە لە هنەگەی ئەمستەردام ئەوبانترە، کە بەرزیەگەی 100 مترە و لەناو گشت کشوەر ئەوروپا بەرزترین بوی.