مه‌سروور بارزانی پرسه‌نامه‌یه‌ك ئاراسته‌ی بنه‌ماڵه‌ی سه‌عید گاباری ده‌كات
2020-05-04 00:00:00 - سەرچاوە: kdp
هەولێر-KDP.info- مه‌سروور بارزانی، سه‌رۆكی حكوومه‌تی هه‌رێمی كوردستان، پرسه‌نامه‌یه‌ك ئاراسته‌ی بنه‌ماڵه‌ی هونه‌رمه‌ند، سه‌عید گاباری ده‌كات، كه به‌هۆی نه‌خۆشییه‌وه كۆچی دوایی كرد.
ده‌قی پرسه‌نامه‌كه:
پرسەنامەیەک لە سەرۆکی حکوومەتی هەرێمی کوردستانەوە
بۆ بنەماڵەی هونەرمەند سەعید گاباری
بەداخێکی زۆرەوە هەواڵی کۆچیدوایی هونەرمەندی نیشتمانپەروەر و ناسراوی کوردستان ( سەعید گاباری)م بیست، هونەرمەند سەعید گاباری خزمەتێکی زۆری هونەری کوردی کردووە و لە رێگەی گۆرانیەکانیشی رۆڵێکی بەرچاوی لە پشتگیریکردنی پێشمەرگەدا هەبوو، پرسە و سەرەخۆشی لە بنەماڵەکەی دەکەم. خوای مەزن گیانی بە بەهەشت شاد بکات و ئارامی و دڵنەواییش بە کەسوکار و دۆستانی ببەخشێت.
مەسروور بارزانی
سەرۆکی حکوومەتی هەرێمی کوردستان
2020/5/4"