هەواڵی کوردستان ئێستا

شەفەق نیوز/ کۆمپانیای "Focus 2 Move" کە داتای بازاڕ ماشین بڵاو کەێد، ریژەی فرووشەیل لەناو بازاڕەیل عراق ئاشکرا کرد، و دیاری کرد کە کۆمپانیای تۆیوتای ژاپۆن نیشتیەسە تەخت لیستەگە لەماوەی یەکەم نیمەی ئی ساڵە.

 

کۆمپانیاگە لە راپۆرتیگ کە ئاژانس شەفەق نیوز لەلی ئاگادار بوی وت: فرووشەیل ماشینەیل عراق لە ماوەی مانگ حوزەیران رەسیە 11 هەزار و 22 ماشین، و لە نیمەی ساڵەگە فرووشەیل ماشین ئەرا 60 هەزار و 72 ماشین بەرزەو بوی، وەریژەی 36٪ لە پارەکە بەرزترە.

 

دیاری کرد کە لەلایەن داتایل کەڵەکەبوین لە یەکەم نیمەی ئمساڵ، لە ئاست مارکەی بازرگانی، ماشین تویۆتا لە نوا بوی، کە 19 هەزار و 926 ماشین فرووشتیە، وە ریژەی 59.2٪ بەرزەو بویە، لە پشتی کیا وە فرووشتن 17 هەزار و 986 ماشین.

 

دیاری کرد کە هیوندای کەفتە پلەی سێیەم وە 7980 ماشین، ئیجا ئێم جی لە پلەی چوارەم وە 5519 ماشین، و سۆزۆکی بویە پەنجەم وە 2813 ماشین، و شیڤرۆلێە بە پلەی شەشەم وە 2286 ماشین، ئیجا کرێت ووڵ وە 1381 ماشین لە پلەی هەفتەم.

  

وتیش: کۆمپانیای شانجان کەفتە پلەی هەشتەم وە 1335 ماشین، و شیری لە پلەی نۆهەم وە 797 ماشین، ئیجا بایم لە پلەی دەهەم وە 787 ماشین.