لە ماوەی شەش مانگ یەکەم ئمساڵ نزیکەی 40 هەزار کەس لە ژاپۆن وە تەنیایی گیان لەدەسدانە
2024-09-10 16:55:07 - سەرچاوە: شەفەق نیوز
شەفەق نیوز/ وەپای راپۆرتیگ پۆلیس ژاپۆن، لەماوەی نیمەی یەکەم ئمساڵ وە گشتی 37 هەزار و 227 کەس کە وە تەنیا زندگی کردنە وە مردی پەیاکریانە کە زیاتر لە 70%یان تەمەنیان لە بان 65 ساڵ بویە.
پۆلیس ژاپۆن ئاشکەرایکرد، نزیکەی چوار هەزار کەسیان دویای زیاتر لە مانگیگ پەیاکریانە و تەرم 130 کەسیش لە دویای ساڵیگ لە مردنیان پەیاکریانە.
وەپای ئامار نەتەوە یەکگرتگەیل، ئیرنگە ژاپۆن خاوەن وەتەمەترین دانشتگەیل جەهانە.
