سەگەیل وەرەلا زیڕە خەنە ناو مەردم کەرکوک و زیاتر لە 15 کەس کەفێدە وەر گەزین
شەفەق نیوز/ سەرچەوەیگ پزشکی لە پارێزگای کەرکوک، ئمڕوو دووشەممە، خەوەردا کە پارێزگاگە وەماوەی چەن رووژیگ گەزین زیاتر لە 15 کەس وە سەگ هار توومار کرد، کە پەلامار مەردم و مناڵەیل دانە لە ناوچەیلیگ جیاجیا لە پارێزگاگە.
سەرچەوەگە ئەرا ئاژانس شەفەق نیوز وت: خەسەخانەیل وە ماوەی چەن رووژیگ نزیکەی 15 کەس وەرگردن کە مناڵیش لەناویان بویە تویش گەزین سەگ هار هاتوین، کە خوازن واکسین گەزین سەگ بوەن.
سەرچەوەگە دیاری کرد کە ئی شمارەی گەزینە وەماوەی ئی هەفتە بویە، و بەشیگیان چوار مناڵ بویە یەکیگیان دویەتە، و یەیش لە ناوچەیلیگ جیاجیا لە کەرکوک.
سەرچەوەگە وتیش: تەندروسی و خەسەخانەیل ئەو کەسەیلە وەرگرن و واکسین و دەرمان وەپییان دەن.
پیرەکە شەممە، حکومەت کەرکوک دەسکردە هەڵمەت لەناوبردن سەگەیل وەرەلا و مقیەتیکردن خوەنەوارەیل و خەڵکەگە وەگەرد دەسکردن وە ساڵ خوەنەواری نوو،
