هەواڵی کوردستان ئێستا

شەفەق نیوز/ دوو مەدەنی گیانیان لەدەسدان، و دوو کەسیش زەخمدار بوین، لە ئەنجام رویداویگ هاتوچو، ئمڕوو جمعە، لەناوەین دوو ماشین لەبان ری کەرکوک - هەولێر.

سەرچەوەیگ لە فەرمانگەی هاتوچو کەرکوک ئەرا ئاژانس شەفەق نیوز وت: رویداویگ هاتوچو، شەفەق ئمڕوو، لەبان ری کەرکوک - هەولێر لەڕی ئاڵتوون کوپری، کەفتە ناوەین ماشینیگ مارکەی تویۆتا و بارهەڵگریگ سزەمەنی، و بویە هوکار کوشیان دوو کەس و زەخمداری دوو کەس ترەک.

وتیش: بارهەڵگرەگە کەفتە شاید دویەم، و لەوەر تونی رانین داد لە ماشین تویۆتا و هوردوگ ماشینەگە داغان بویت، وتیش: دوو تەرمەگە ئەرا پزشک دادوەری بریان، و دوو زەخمدارەگە ئەرا خەسەخانەیل کەرکوک.

سەرچەوەگە وتیش: رویداوەگە قەرەباڵغ فرەیگ لەناو ریەگە دروس کرد، و جویلەی هامشوو تا ماوەیگ وسیا.