هەواڵی کوردستان ئێستا

شەفەق نیوز/ چەن زانایگ بەرازیلی کویەنترین وە سەنگبوی جەهان پەیاکردن، وەمەنەکرێد گیانداریگ خشگ بوود مێژووەگەی بچوود ئەرا 237 ملیۆن ساڵ وەرجە زاینی.

توێژەرەیل لە بەیاننامەیگ راگەیاننە، " ئێ جویر لە خشۆکە ناو "گۆندواناکس پاراسیس" لەلی دانریاس  چوار قول دیرێد چەنە سەگ بویچگیگە، و درویژیەگەی نزیکەی یەک مەترە کێشی نزیکەی سێ تا شەش کیلووە.

وە سەنگبویەگە وەلایەن دکتۆر "پێدرۆ لوکاس" پەیاکریاس لە چینیگ سەنگ کە تەمەن ئێ سەنگە چوودەو ئەرا   سەردەم " تریاس"  کە لەناوەین 252 ملیۆن ئەرا 201 ملیۆن ساڵ وارجە ئیسەس، یەیش هەر ئەو وەختەس دایناسۆرەگان، شیردەرەیل، تیمساحەگان، کیسەڵەگان و قورباقەیل دەرکەفتنە.

"لوکاس"، لەباوەت وە سەنگبویەگە وت: نیەتوەنم وەسف ئەو هەستە بکەم هەنای یەکەم کەس بویم دەس دامەس لە وە سەنگبویگ  237 ملیۆن ساڵە .