پیاییگ دویای 3 ساڵ زانێد کە خوەی و ژنەگەی مامە و برازان
شەفەق نیوز/ گریەبەسی ژنخوازینیگ دویای سێ ساڵ و سێ مناڵ پویچەڵ کریا، لەوەر چشتیگ کە کەسیگ وەپی هویرەو نەکردیە.
ژن و شوییگ، ئەرایان ئاشکرا بوی کە گریەبەسی مارەبڕینیان باتڵە، دویای سێ ساڵ و سێ مناڵ لەناوەینیان، کە دەرکەفت پیاوەگە برازای خوەی لە شیر داڵگی خوازیە.
"مەحمود.س" لە تەمەن 30 ساڵە مارەی دویەت خاڵوو خوەی خوەی بڕی، و سویر کردن، و تا سێ ساڵ وەیەکەو مەنن، و سێ مناڵ ئەرایان بوی، تا ئەرایان دەرکەفت کە مامە و برازای یەکن، و نەبایەس وەیەکەو بوون، کە دەرکەفت باوگ ژنەگەی لە مناڵی شیر داڵگی خواردیە، کە بویە خاڵووی، و شویەگە بویە مامەی ژنەگە.
ئەو بنەماڵو، رووژیگ وەیەکەو باس کردنە، و لەناو باسەیل دەرکەفت کە خاڵوو شویەگە ئەرا ماوەی فرەیگ لە شیر داڵگی خواردیە، و هەناێ باسەگە قویلەو بوی، ئەرایان ئاشکرا بوی کە مارەی ئی ژن و شویە باتڵە.
