هەواڵی کوردستان ئێستا

شەفەق نیوز/ هاڵۆوین جەژنیگ تایوەت وە کریستیانەیل و ساڵانە لە دویا شەو مانگ ئۆکتۆبەر وەڕیوەچوود و ئەو کەسەیلە لەبان ئێ باوەڕەن رێوڕەسم و چالاکی لەی شەوە ئەنجام دەن.

هویماا جەژن هاڵۆوین لە وڵاتە خوەرئاوایەیل هاتگە، باوجی ئیرنگە لە فرەیگ لە وڵاتەیل بڵاوبویە، مەردم لەی شەوە خوەیان ماڵەگانیان لەبان شیوەی رخبەر ئامادەکەن، مناڵەیل وە پتاڵ ئەڵاجوی و رخبەر وە ماڵەیل گەردن و نوقڵ و شیرینی کووەوکەن، گاجاریگ دزی بویچگیش کەن.

لەو باوەڕەن شەو هاڵۆوین رۆح مردگەیل لە ئاسمانەو داوەزێدە بان زەوی لەبان شیوەی چشتەیل رخبەر خوەیان نیشان دەن..

وەکارهاوردن رەنگەیل پاییزی و وەڵنگرزیاگ دار و کویلەکەی زەرد یەکیگە لە سمایەیل رێوڕەسمەگە و گوزارشت لەهاتن وەرز پایز کەێد.