هەواڵی کوردستان ئێستا

پۆلیس دەڵێت شۆفێرێک لە شاری ژوهای باشووری چین بە مەبەست خۆی کێشاوە بە کۆمەڵێک خەڵکدا کە ڕاهێنانییان کردووە لە سەنتەرێکی وەرزشیدا. پۆلیس پیاوێکی 62 ساڵی لە سەنتەری وەرزشەکە لە شاری ژوهای دەستبەسەر کردووە، ئەمەش پێش کردنەوەی پێشانگایەکی فڕۆکەوانی بوو کە سوپای چین بەڕێوەی دەبات و ساڵانە شارەکە میوانداری دەکات. یەکێک لەو چوار نەخۆشخانەیەی کە خەڵکەکەیان بۆ گواستراوەتەوە وتی زیاتر لە 20 بریندارییان وەرگرتووە، ئەمەش بەپێی دەزگای ڕاگەیاندنی چین. پۆلیس وتی ئوتومبێلەکە خۆی کێشاوە بە " ژمارەیەک " لە پیادەکاندا. چەند جارێک ئەم جۆرە هێرشانە لە چین ڕوویانداوە کە تێیدا گومانلێکراوەکە وادەردەکەوێت کە خەڵکی ئاسایی بکاتە ئامانج. لە مانگی 10 دا پیاوێکی تەمەن 50 ساڵ دەستگیرکرا دوای ئەوەی گوایە چەقۆیەکی بەکارهێناوە بۆ هێرشکردنە سەر منداڵێک لە قوتابخانەیەک لە پەکین. پێنج کەس لەو هێرشەدا بریندا بوون. لە مانگی نۆدا سێ کەس بە هێرشێکی چەقۆ لە بازاڕێکی شەنگهایدا کوژران. سەرچاوە/ دەنگی ئەمەریکا