هەواڵی کوردستان ئێستا

شەفەق نیوز/ ژنیگ لە فلۆریدا، ئمڕوو دووشەممە، کەفێدە وەر فەرمان زیندانیکردن، دویای تاوانبارکردنی وە کوشتن نا ئەنقەس ژن هاوسای وە گولە لەودیم دەر ماڵەگەو وەشانیە، ئەوەیش لە دەمەقاڵیگ وەردەوام لەبان ژاوەژاو مناڵەیل کویچە.

وەرجەیە سوزان لورينز (60 ساڵە) توومەتبار کریا وە کوشتن ئەجیک "ئێ جيه" ئوينز (35 ساڵان) وە یەک گولەی دەوانچە لە یۆنیۆی 2023.

 لورينز کەفێدە روی زیندانیکردن تا ماوەی 30 ساڵ لەوەر وەکارهاوردن چەک ئاگرین.

تەقەکردنەگە لە ئەنجام وەردەوەردەی دویر و درویژیگ ناوەین ئەو دوو ژن هاوسا هات لەبان بازیکردن مناڵەیل ئویتز لە شوینیگ سەوزایی ناوەین ماڵەیلیان لە ناوچەی ئۆکالا.

نوێنەرەیل بانگەشەکاری وتن؛ ئوینز پکە ماڵ لورینز دویای ئەوەگ مناڵەیلی داد لەوە کردن کە لورینز چشتەیلیگ ئەرایان وەشانیە.

لەناو دادگا قسەیلیگ دەرکەفتن کە ئوینز داڵگ چنار مناڵە، دیاد لە دەر لورینز و هاوار کردیاد، کە لورینز وت: لە وەرگریکردن وەبان خوەی گولە وەشانیە.

لورینز وت: رخی لەبان گیان خوەی چگە، کە وەماوەی ئەو سێ ساڵە لەو گەڕەکە کەفتیەسە ئاستەنگی.