هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە زەخمداری سێ کەس وە شاخ کەڵگای هاریگ لە کەرکوک.

سەرچەوەگە ئەرا ئاژانس شەفەق نیوز وت: کەڵگای هاریگ لە دەس دەرچگ، لەناو شوین فرووشتن ئازەڵ، لە باشوور کەرکوک، و کەفتە شوین مەردم، و بڕیگ ناچار بوین پەنا وە خانگ و دیوارەیل بوەن، لە رخ ئەو کەڵگا، کە پەلامار مەردم دا، و چوار کەس زەخمدار کرد.

 وتیش؛ هیزیگ ئەمنی تەقە لەو کەڵگا کرد، تا زەخمدار بوی، و مەردم توەنستن وە زەخمداری بگرنەی.