هەواڵی کوردستان ئێستا

شەفەق نیوز/ هەسارەی زەوی گەرمترین دویەم تشرین دویەم توومار کرد، دویای تشرین دویەم 2023، یەیش نزیکە لە دڵنیابوین لەوە کە ساڵ 2024 جویر گەرمترین ساڵ توومار کریەێد.

 وەگورەی ڕاپۆرت دەزگای چەودیاریکردن بەرگەهەوای کۆپەرنیکۆس کە دەزگایگ یەکێتی ئەوروپاس و رووژانە شیکاری و مەزەنەی بەرگەهەوای زەوی پبشکەش کەێد، پارەکە  لەوەر ئاڵشتبوین کەشوهەوای گەرمترین ساڵ بوی کە توومار کریاس.

 بەڵام دویای ئەوەگ تاوسان ئمساڵ بەرزترین پلەی گەرمی توومارکرد، زانایەیل مەزەنە کردن ساڵ 2024 شمارەیگ پەیمانەیی نوو لە پلەی گەرمی ساڵانە تووماربکەێد.

 لە مانگ تشرین دویەم ئمساڵ تێکڕای پلەی گەرمی جیهان 14.10 پلەی سەدی بویە (57.38 پلەی فەهرەنهایت).  لە وەختیگ تێکڕای پلەی گەرمی جیهانی لە خود مانگ ساڵ گوزەشتە 14.98 پلەی سەدی بویە (59 پلەی فەهرەنهایت).

تا مانگ تشرین دویەم، پلەی گەرمی جیهانی ئمساڵ 0.14 پلەی سەدی (0.32 پلەی فەهرەنهایت) بەرزتر بویە لە خود ماوەی ساڵ گوزەشتە.

 چیرووک گەورە لە باوەت مانگ نۆڤەمبەر ئەوەسە کە "جویر ساڵ 2023، وە جیاوازییگ وەرچەو لە مانگەیل وەرجەخوەی رەد کردگە"، وەقسەی جێنیفر فرانسیس، زانای کەشوهەوا لە سەنتەر توێژینەوەی کەشوهەوای وودوێڵ لەبان کیپ کۆد، کە بەشدار نەویە لە ڕاپۆرتەگە.  وتیش: دیارە یە یەکەم ساڵ ساڵنامەییە کە تێکڕای پلەی گەرمی زیاتر لە 1.5 پلەی سەدی (2.7 پلەی فەهرەنهایت) لە ئاست وەرجە سەردەم پیشەسازییەو بوود.

 لە راپۆرتەگە باس ئەوە کرد کە لە ڕێککەفتن پاریس لە ساڵ 2015 سنووردارکردن گەرمبوینی جیهان خوازێد کە لەوەر چالاکییەیل ئایەم دروس بوود تا لە ژیر 2 پلەی سەدی (3.6 پلەی فەهرەنهایت) بمینێد، و خاسترە لە خوار 1.5 پلەی سەدیەو دیاری کریاس.

 زانایەیل راگەیانن کە مدوو سەرەکی ئاڵشتبوین کەشوهەوا سزانن سزەمەنی سەنگیە جویر زوخاڵ و نەفت و گاز سروشتی.

 سامانتا بێرگێس، جیگر وەڕێوەبەر کۆمپانیای کۆپەرنیکۆس لە بەیاننامەیگ رووژنامەوانی وت زیادی: یە وەو واتە نییە کە ڕێککەفتن پاریس شکیاسەو، بەڵکم وەو واتەس کە کردەوەی گەورە ئەرا کەشوهەوا لە جاران خوازیاگترە.

 شارەزایەیل ئویشن شەپوول گەرما گەرمی لەبان زەریاگان و لەدەسدان یەخ دەریایی رەنگدانەوەی و رەیپووشی وەفر مدوویگ بوی ئەرا بەرزەوبوین پلەی گەرمی ئمساڵ.

 زەریاگان نزیکەی 90% ئەو گەرمیە هەڵمژن کە گازە گەرمخانەییەیل گیر خواردنە، ئیجا گەرمی و هەڵم ئاوەگە مەرەقەز کەنە ناو بەرگەهەوا.

 ئەو گەرمی فرە لە ساڵ  گوزەشتە بەشیگ مدووی گەرمبوینی دیاردەی (نینۆ) بویە، کە دیاردەیگ گەرمبوینە لە بەشیگ ناوڕاس زەریای هێمن و کاریگەری لەبان کەشوهەوای جیهان دیرێد، بەڵام دیاردەگە لە سەرەتای ئمساڵ کۆتایی هات و ئەو کاریگەرییە سەردەوکەرە کە بەپشتی تیەێد، کە وەپی ئویشن لا نینا، نەتوەنست باێدە دی، یەیش هیشت کۆمەڵگەی زانستی سەر لەلی بشیوێد لەبان ئەوە کە لەیرا لەپسا چە بوود، و ئەڕا چە هیمان پلەی گەرمی بەرزە".

 یەکیگ لە ئاشکراکردنەیل ئەوە بوی  کە ئۆڤەربێک ئویشێد: نینۆ لەوەر گەرمبوین ئاو زەریاگان گەرمی زیاتر دەێدە بەرگەهەواوە، ئمجا "ئەو کاریگەرییە سەردەوکەرە وەدی نیەتێد  کە لە دەیەیل گوزەشتە بویاد و دەسمیەتی لە داوەزیان پلەی گەرمی دیاد"، وتیش: "دیارە  یە بەشداربوود لە وەزوی گەرمبوین جیهان".