هەواڵی کوردستان ئێستا

شەفەق نیوز/ تیمیگ زانایەیل لێکۆڵینەوە لە  کاریگەری رخبەریل  خواردن شەکر لە تویشهاتن وە بیماریەیل دڵ و خوینبەرەیل کردیە.

لە ماڵپەڕ " Medical Xpress" بڵاو کریاس، دکتۆر سوزان جانزی نویسەری سەرەکی توێژینەوەگە باس له  پەیوەندیی ئاڵۆزەیل ناوەین جویرە جیاوازەیل شەکر و رخداریەیل دڵ و خوینبەرەیل کەێد ئەرا مەزەنەکردن کاریگەری خواردن شەکر لەبان تەندروسی دڵ زاناگان داتای دوو توێژینەوە درویژخایەن وەکارهاوردنە کە زیاتر لە 69 هەزار کەس لەناوی بویە، کە  توێژەرەیل لەناوی چەودێری خوو خواردن بەشداربویەیل کردیە لە ماوەی ساڵیگ.

لە توێژینەوەگە دەرچگە زیایچگن کردن لە خواردن شیرینی کاریگەری لەبان تەندروسی دڵ دروسکەێد، و بوودە هووکار تویشهاتن وە بیماری جگەر و شەکرە، لە وەرانوەر بوودە هووکار   ڕەقبوین خوینبەرەیل و تەنگەوبوین یەیش چگن خوین ئەرا دڵ سنووردار کەێد و وەیجویرە  رخداری جەڵتەی دڵ و جەڵتەی مێشک زیای کەێد.

جانزی ئوشێد " شەکر کاریگەر ناڕاستەوخوەی لەبان دڵ دیرێد چونکە خواردنی وە ڕێژەیگ فرە هووکارە ئەرا قەڵەوی  و تویشهاتن وە بیماری"

هنای بڕیگ شەکر ورێد ئاست گلوکۆز لە خوین بەرزەوبوود، و وە رەدبوین وەخت فرەیی شەکر لەناو خوین زەرەد وە خوینبەر و خوینهێنەر و دەمارەیل رەسنێد کە کۆنترۆل دڵ کەن.