خوەیکوشتن ئەندامیگ ئەمنی وە چەک خوەی لەبان سنوور عراق و ئیران
2024-12-21 13:25:24 - سەرچاوە: شەفەق نیوز
شەفەق نیوز/ سەرچەوەیگ ئەمنی، ئمڕوو شەممە، خەوەردا لە خوەیکوشتن کۆمیسار لە هێز پاراستن سنووری، لە وەخت ئەنجامدان ئەرکەگەی لە سنوور عراق ــ ئیران.
سەرچەوەگەوە ئاژانس شەفەق نیوز وت "کۆمیسار (ر. م. ح) لەداڵگبوی 1978، دانشتگ قەزای مەنەلیە لە ناوچەی قەلەم حاج، لەبان سنوور عراق و ئیران خوەی کوشتیە، وە چەک تایبەت خوەی لە جویر M16 لە بنکەی کارەگەی.
سەرچەوەگە وتیش "خوەیکوشەگە ئەندام بوە لە سرەی دویەم فەوج سێ لیوای هەشت سنووری ناوچەی سێیەم" وتیش "وەلایەن بنکەی پۆلیس مەنەلی رێکارەیل یاسایی گیریاسەوەر.
