هەواڵی کوردستان ئێستا

شەفەق نیوز/ عراق کەفتە پلەی 70 لە نیشانەی وەرسگی جەهانی لە ساڵ 2024، دویای ئەوە کە پارەکە لە پلەی 64 بوی، وەگورەی دوو ریخریاگ ئەڵمانی Welthungerhilfe و Worldwide Concern.

خشتەی ئەو دوو ریخریاگە کە ئاژانس شەفەق نیوز نووڕیەی نشان دەێد کە عراق کەفتە پلەی 70 دویای ئەوەگ 14.9 خاڵ کەفتە دەسی لەناو 125 دەوڵەت لە خشتەگە.

 وتیش؛ عراق نشانەی ورسگی لەناوی بەرزەو بوی هەناێ لە ساڵ 2000 رەسیە 22.9 خاڵ، تا لە ساڵ 2008 داوەزیا ئەرا 19.8 خاڵ، ئیجا لە ساڵ 2016 ئەرا 15.3 خاڵ، و 13.8 خاڵ لە ساڵ 2023 ئیجا لە ساڵ 2024 ئەرا 14.9 خاڵ بەرزەو بوی.

نشانەی ورسگی ئەرا پەنج چین بەشەو کریاس، کە زیان دەوڵەتەیل نشان دەن، کە چین یەکەم وە رەنگ سەوز لە سفر تا 9.9 خاڵ، ئەو دەوڵەتەیلە کە زیان لە ورسگی نەیرن کە ناوی نریا (نزم), وچین دویەم لە 10 تا 19.9 خاڵ تیەێد کە چین (ناوڕاس)ە و چیو سێیەم لە 20 تا 34.9 خاڵە وەناو (راسیانە), و چین چوارەم لە 35 تا 49.9 خاڵ کە چین (رخدار)ە، و چین پەنجەم لە 50 خاڵ ئەوبانە، کە وەپی وتن (فرە نیگەران).

لە جەهان عەرەبی، کوێت، ئیجا ئیمارات، تونس، جەزائیر، سعودیە، لوبنان، مەغریب و عومان لە چین نزم نشانەی ورسگی هاتن، لە دویای ئەوان ئوردن، میسر، عراق و لیبیا لە چەن ناوڕاس تیەن، مۆریتانیا، جیبۆتی، سودان و سوریا لە چین رخدار هاتنە، یەمەن و سۆماڵیش لە چین فرە نیگەران بوین.

 لە ئاست جەهانی هەریەک لە وڵاتەیل بیلاڕووس، بۆسنە، شیلی، چین، کۆستاریکا، کرواتیا، ئیستۆنیا و جۆرجیا لە رزبەن یەکەم بوین لە لیست ئەو وڵاتەیلە کە کەمترین نشانەی ورسگی جەهانی دیرن، و باشوور سودان هاتە خوارترین پلەی لە نشانەی ورسگی جەهانی ئیجا لە شوین سۆماڵ تیەێد.