هەواڵی کوردستان ئێستا

شەفەق نیوز/ سەرچەوەیل ئەمنی و فەرمی، ئمڕوو یەکشەممە، خەوەردان لە کوشیانوزەخمداریدوو کەس وەمەرافیگ چەکداری لە بەغدای پایتەخت و دەسوەسەرکردن بازرگانیگ مادەی هووشبەر و پویچەوکردن تووڕیگ تایبەت وە ساختەکردن دۆلار.

سەرچەوەگە وە ئاژانس شەفەق نیوز وت؛ "مەاف ناوەین دوو کەس رەسیەس ئەرا وەکارهاوردن چەک سووک (دەوانچە) وەلایەن هەردووگ لا لە ئەنجام یەکیگیان کوشیا و ئەوەکەش زەخمداربوی لەناوچەی عوبێدی لە بەغداد".

ئاشکرایکرد، هێزە ئەمنیەیل رەسینە شوین رویداوەگە و تەرمەگە ئەرا پزیشک دادوەری کلکردن و زەخمدارەگەش ئەرا خەستەخانەبریا و دەسوەسەرکریاس.

وەپای زانیاریەیل "رویداوەگە لە ئەنجام گیچەلەیل مادی بویە".

وەڕێوەبەرایەتی گشتی هەواڵگێری و ئاسایش  (9) بازرگان مادەی هووشبەر دەسگیرکردن و تووڕیگ تایبەتوە ساختەکردن دۆلار لە بەغداد پویچەوکردن.

لە بەیاننامەیگ وەڕێوەبەرایەتیەگە کە رەسیە ئاژانس شەفەق نیوز راگەیان "مەفرەزەی هەواڵگێری و ئاسایش بەغداد توەنستن 9 بازرگان و بڵاوکەر مادەی هووشبەر دەسگیربکەن لە ناوچە جیاوازەیل پایتەخت کەیاداشت دادگا ئەرایان دەرکریابوی وەپای بڕگە مادەی (28) هووشبەر، وەپیان مادەی هووشبەر جوراوجور گیریایە و وەگەرد کەرەستەیل کیشان و توومەتبارەیل ئەرا دادگا کلکریان".

لە لای ترەک، لەری زانیاری هەواڵگێری هویردەیل کە دەس مەفرەزەیل وەڕێوەبەرایەتیەگە کەفتیە تووڕیگ ساختەکاریکردن پویل دۆلار دەسگیرکریاس کە بڕە پویلیگ دروکانی دۆلار وەپیان بویە، رێکارەیل یاسایی وەرانوەریان کریا و ئەرا لایەنەیل پەیوەنیدار کلکریا.

.