خاوەن راسگووی لە گشتی رەگینترە
کوڵە چیرووک
پاتشای قەرار دا کوڕەگەی بکەێدە جێگر خوەێ، وەلێ بەنا وە داتەک وڵات پاتشا بایەس خێزاندار بوو، پاتشا فەرمان دا سەد کەس دۊەت جوان گردا بکەن بارن تا ئەڕا کوڕەی هاوژینێ هەڵوژنێ.
گشت دۊەتەیلە لە وەخت دیاری وەناو سالوونێ کوو کردن پاتشا وەهەر کامیان چنجگ بۊچگێ دا پێان وەتە پێیان :
وەناو سێ مانگ بانان کە وەهارە، هەرکەس وە ئی چنجگە جوانترین گوڵ بارێدە ئەمەڵ بوودە وەۊ پاتشا.
دۊەتەیل لە ئی ڕووژەگەیا دەس وەکار بین و لە ناو ئەو دۊەتەیلە یەی دۊەت هەژار رووستا زادەێ بی ک وەناو ڕووستا ژیاد، ئەو وە راوێژ(مشورت) کردن وەگەرد ئەرواوەیل رووستاگەێ چنجگە نارێ ناو گوڵدان ، وەلی دۊاێ 90 رووژ هۊچ گوڵێ جیغ نەیا.
فرە کەسیش وەتە پێ دی وەناو کووبۊنەوە نچوو، وەلێ دۊەتە وەت: نیەتوام سەرنکەفتێ حساو بووم هەمیش بۊشن کەوزۊەڵەس !
رووژ دیاری کریا رەسی پاتشا دی کە 99 کەس لە دۊەتەیلە وە یەک یەێ گولدان ڕەنگین و دڵڕفێن هاتنە، چەوەێ کەفتە دۊەت هەژار مدوو دەس پەتیێ پرسی و ئەویش جواو ڕک و ڕاس وەت و پاتشایش شنەفت.
پاتشا ئمجا وەر کردە گشتیان وەت وەۊ مە ئی دۊەت رووستا زایەس !مەبەست م یە بی ک راسگووترین دۊەت بۊنما !
تەمام چنجگەیلێ کە داۊمە پێدان نەزووک بین، وەلێ ئێوە گشتدان فێڵبازی کردینە و گوڵەیلێ تر هاوردینە، بێجگە ئی دۊەتە کە ڕاس و دروس هاورد.
جوانترین مەنش ئایەم ڕاسگووییە !
ن.ش.
هەڵگەردان سادق_جەلیلیان
