هەواڵی کوردستان ئێستا

شەفەق نیوز/ میدیایل راگەیانن لوبنانی، ئمڕوو یەکشەممە، ئاشکرای تەقەلایل ئیران ئەرا دووارە تیمارکردن باڵەیلی لە ناوچەگە کرد، لە وەختیگ بەرهەم مووشەک پالیستی و فرۆکەیل ییفرۆکەوان وەشیوەیگ بیوینە دووقاتەو کرد و دادەیانە دەس دەوڵەتەیل وەرخودان لەی دویاییە، لەناویان حەشد شەعبی لە عراق.

  سایت "الجريدة"ی لوبنانی لە ژوان وەرپرسیگ لە سوپای فەیلەق قودس لە سوپای پاسداران ئیرانی وت: تەهران دەکردە خاسەوکردن (ماڵ وەرخودان) لە ناوچەگە، کە دووارە رێکخستن کرد، و سەرکردەیل ئەو فەیلەق سەروە سوپای پاسدارانە برد تا شوینیان قایم بکەێد، بیجگە نەعیم قاسم ئەمیندار گشتی حزبولڵا کە رازی نەوی، و رمدار بوی لە لوبنان بیمینێد.   سەرچەوەگە کە وەرپرس سپۆنسەرکردن باڵەیل لایەنگر ئیرانە لە ناوچەگە، وت: دەزگای ئاسایش دژبەری سەروە سوپای پاسداران، دەسکردە ئۆپراسیۆن فراوانیگ ئەرا ئاشکراکردن پێشێلکاریەیل و ئەو سیخوڕەیلە کە ئەرا ئیسرائیل یا دەژمنەیل کار کەن، و داوا لە حزبولڵا لە لوبنان و باڵەیل وەرخودان لە عراق و سوریا کریا گشت جویلەیان بووسنن، تا ئاشکرای شوینەیل پێشێلکاری بکریەێد، تەنانەت ئەگەر ئەوەیش هیشت وەدویاچگن یا داوەزیان توانایل بەرەی وەرخودان نشان بیەن.  سەرچەوەگە وت: ئیران ریەیل کلکردن پویل و چەم ئەرا حزبولڵا دابین کرد لە دەیشت چوارچیوەی ری سوریا، و هەمیش دویر نەفت لە فرۆکەخانەی ناودەوڵەتی ڕەفیق حەریری چوینکە وەشیوەی خەسیگ خریاسە ژیر چەو دەزگایل ئەمنی ئەمریکا و ئیسرائیل و ئەوروپا، و سیخوڕەیل وەشیوەی گەورەیگ هانە ناوی.  سەرچەوەگە وتیش؛ ئیران وەڕیەیلیگ تایبەت -نیەتوەنێد ئاشکرای بکەێد- چەن نلیاریگ دادە حزبەگە ئەرا قەرەبووکردن زەردمەنەیل لە جەنگ وەرد ئیسرائیل، و دیاری کرد کە تەهران بڕەیل کەورەیگ لە چەن لە سوریا وەرەو لوبنان بار کرد، بیجگە بەش گەورەیگ لە چەک سوپای سوریا وەرجە رمیان رژیم ئەسەد، و ئامادەکردن جەبەخانە و سەربازگەیل لەلایەن ئیسرائیل.  هەرلیوا، سەرچەوەیگ "پایە بەرز" لە وەزارەت وەرگیری ئیران، ئەرا سایتەگە وت: ئیران بەرهەمکردن مووشەک پالیستی وەتایبەت ئەوبان دەنگ 10 ئەوەنەی بەرهەمەیل پارکە بەرزەو کرد، لەپسا فڕۆکەیل بیفرۆکەوان گەشەدریاگ وە جویرەیل جیاوازیگ وەی ریژە دروس کەێد.  سەرچەوەگە وتیش: دویای پەلامار ئیسرائیل و سەرکەفتن سیستم پاوەر 373 لە نواگیریکردنی، عەلی خامەنەئی ریبەر باڵا فەرمان زیایکردن بەرهەم ئی سیستمە وە 10 ئەوەنە دا، و دروسکردن سیستم لەوە نووترەک، وەگەرز سیستم کوڵ و ناوڕاس مەودا وە تەکنەلۆژیای ئەوبان دەنگ.  سەرچەوەگە دیاری کرد کە سیستم مووشەک ئەوبان دەنگ وە نووترین تەکنەلۆژیا دریەێدە قەڵەم، توانای ویرانکردن هەر مووشەکیگ دیرێد نە وەرەو ئیران بوەشیەێد و هەر فڕۆکەیگ باێۆە ئاسمانی، و دیاری کرد کە چین نوویگ لە مووشەکەیل زەوی - دەریای ئەوبان دەنگ دروس کریاس کە ئاشکرا نەکریاس، ئەرا پەلاماردان هەر کەشتییگ تەنانەت فڕۆکەهەڵگریش. سەرچەوەگە وتیش: ئی مووشەکەیلە سەرگ جەنگی هەڵگردنەر توەنن چەپوڕاس بکەن وەرجە رەسین وە ئامانج، وەگەرد ئەوەیش ئیران توەنست بڕەسێدە بەرهەمکردن مووشەکەیل دژوە قەڵغان و دیوارر کە توەنێد ئەرا وەئامانجکردن فرۆکەهەڵگر یا گەشتەیل جەنگی بکەنە ئامانج کە وە چەن قەڵغانیگ پوڵایی قایم کریانە.  هەمیش وت: سەرکردایەتی ئیران چەوەڕی جەنگیگ یا پەلامار کەورەیگ کەێد، و مووشەک ئەوبان دەنگ خوازێد ئەرا پەلاماریگ گەورە کە بەراوردیی وەرد دویاترین پەلامار وەبان ئیسرائیل نیەکریەێد کە نزیکەی 220 مووشەک پالیستی لە نەوەی سێەم وەشان، وە پیچەوانەی زوور ئیسەی وەبان بەرهەمکردن مووشەکەیل و درۆنەیل لە نەوەی پەنجەم و شەشەم کە تا زیاتر لە ساڵیگ بەشی کەێد ئەرا پەلامارەیلیگ وە زیایەی 5 ئەوەنەی ئۆپراسیۆنەگەی ئەو گلە وەبان ئیسرائیل.   وەگورەی سەرچەوەگە، تەکنەلۆژیای نەوەی چوارەم لە مووشەکەیل پالیستی دریاهە دەس حووسییەیل و حزبولڵای لوبنان و حەشد شەعبی لە عراق، و لەپسا بەرهەم مووشەک و درۆنەیل لەی نەوە کەن، باوجی تەکنەلۆژیای نەوەی پەنجەم و شەشەم وە نزیکترین هاوپەیمانەیل ئیرانیش نەیریاس.  سەرچەوەگە لە کۆتایی وتیش؛ وەرزارەت وەرگری کەفتیەسە نوای گیچەڵیگ لە ئەمارکردن ئەو بڕەیل گەپە لە مووشەک و درۆنەیل، ئەراوە نەوەیل یەکەم و دویەم دادە دەوڵەتەیلیگ ترەک وە گریەبەسی فرووشتن، هەرچەن گەورە ئەفسەرەیل رازی نەوین، چوینکە نرخیان ئەرزانە، و توانێد ئەرا سەرقاڵکردن وەرگری دوژمن وەکاریان بارێد، وەتایبەت لە سەربازگە و کەشتیەیل جەنگی ئەمریکا.