تۆیۆتا شاریگ 10 ملیار دۆلاری دروسکەێد
شەفەق نیوز/ کۆمپانیای تۆیۆتا خوازێد شار نوویگ وەناو "وۆڤن سیتی" لە ژاپۆن دروسبکەێد و بڕ 10 ملیار دۆلاری ئەرای تەرخان کردیە شارەگە ئەرا تاقیکردنەوە و ئەوزەڵداین ماشین بی رانندە و ماڵە زیرەکەگان و رۆبۆتەگان دیزاینکریایە.
بڕیارە لە پاییز ئمساڵ شارەگە پیشوازی لە 100 دانشتگ سەرەتایی بکەێد، کە وە پلەی یەکەم کارمەنەیل تۆیۆتا و خێزانەیلیانن، شارەگە ئامانج دیرێد وە رەدبوین وەخت فراوانتر بوود ئەرا دوو هەزار هاوڵاتی.
کۆمپانیاگە تایبەتمەنە ماڵ وە وزەی خوەر دیرێد کە وە AI بەرنامەکریاس ئەرا چاودێریکردن تەندروسی و دەسمیەتیدان ژیان رووژانە و سێ جویر شەقام کە ئەرا پیادە و هاتوچوی خێرا و ماشین خاو دیاریکریانە.
پڕۆژەگە تەقەڵای داهێنان لە چوارچووب ژینگەیگ کۆنترۆڵکریاگ و ژیان راستەقینە ئەوزەڵبەێد، کە وە ئەگەرێگ فرە ئاڵشتکاری وەرچەو لە ژیان ناوشار و یەکخسنن تەکنەلۆژیا بەێدە نوا.
