شەو قورتارکردن.. پویچەوکردن خوەیکوشتن لە بەغداد و قورتارکردن باوگ و دویەتیگ لە خنکیان (ڤیدیۆ)
شەفەق نیوز/ سەرچەوەیگ ئەمنی، ئمڕوو شەمە، خەوەردا دەوریەیل فریاکەفتن رەسافە توەنستن یەکیگ قورتاربکەن کە تەقەلای خوەیکوشتن دایە لەبان پیەڵ باب ئەلموعەزەم لەناوڕاس بەغداد.
سەرچەوەگە وە ئاژانس شەفەق نیوز راگەیان، دەوریەیل فریاکەفتن کندی دویەم لەدیر وەخت دویەشەو کەسیگ لەبان پیەڵ دینە دەسوەجی بازگەی ناوەندی ئاگادارکریاس رەسینەس ئەو شوینە ئەرا قورتارکردنی لە فڕەداین خوەی.
دیاریکر، دریاسە دەس بنکەی پۆلیس و وەپای رێکارەیل یاسایی ئەرا پاراستن سەلامەتیەگەی.
لە پارێزگای ئەنباریش، سەرچەوەی ئەمنی ترەک خەوەردا، هێزەیل قەزای کەرمە توەنستنە پیای و دویەتەی لە نقومبوین قورتاربکەن، لەدویایئەوەگ ماشینیان کەفێدە ناو چەم ئەلتمێمی
ئاشکرایکرد، ماشینەگە لە ری خوەی دەرچگە وە هووکار نەزانریایگ، بویەسە مدوو کەفتنی وەناو ئاو چەم، وەرجە ئەوەگ هێزەل ئەمنی بڕەسن و بتوەنن پیای و دویەتەگەی قورتاربکەن.
دووپاتکرد تەندروسییان جیگیرە و لایەنەیل پەیوەنیدار لێکۆڵینەوە وازکردن ئەرا زانینن هووکارەگەی.
