هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە توومارکردن دوو حالەت خوەیکوشتن دوو گەنج، وەگەرد زەخمداری رخداریگ دوو مناڵ وە مدوو پەلامارداین سەگ، لە رویداوەیل جیاواز لە پارێزگایەیل زیقار و بەسرە باشوور عراق.

 سەرچەوەگە ئەرا ئاژانس شەفەق نیوز ئاشکرایکرد، "گەنجیگ 22 ساڵان کە خوەنەوار مەکتەو ئیوارانە، لەناو یەکیگ لە ژوورەیل ناو ماڵیان لەناوچەی کویچەی مەجد لە قەزای دیوانیە لە باکوور خوەرهەڵت پارێزگای زیقار خوەیکوشتیە، وە مدوو کەفتن لە تاقیکردنەوەیل مەکتەو".

وتیش؛ " تەرمەگە ئەرا تەواوکردن رێکارەیل یاسایی کلکریایە پزیشک دادوەری".

لەرویداو ترەک سەرچەوەگە راگەیان،  "گەنجیگ ترەک خوەیکوشتیە لەناو ماڵ لەناوچەی عالیە لە پارێزگای بەسڕە، وەبی ئەوەی باس لە هووکارەگەی بکەێد".

لە رویداویگ جیا، دوو مناڵ تویش زەخمداری رخداریگ لە سەر و دەس هاتنە لە ئەنجام پەلاماردانەیل سەگ وەڕەڵا لە ناوچەی سەراجیلە قازای ئەبی خەسیب لە بەسڕە، ئەرا چارەسەرکردن کلکریانەسە خەستەەخانە.