هەواڵی کوردستان ئێستا

شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە توومارکردن شمارەیگ رویداو ئەمنیلە پارێزگاگە کە بریتن لە زەخمداری دوو کەس لە دوو مەراف جیا، خوەیکوشتن گەنجیگ و دەسگیرکردن دزیگ.

سەرچەوەگە وە ئاژانس شەفەق نیوز وت، "مەرافەیگ لەناوەین دوو لایەن لە قەزای شەترە باکور پارێزگای زیقار دروسبویە، و لەناوی چەک وەکارهاوریاس، یەکیگ لە لایەنەیل وە دوو گولە زەخمداربوینە".

سەرچەوەگە وتیش "زەخمدارەگە کاری رانندەی ماشین تاکسیە، هووکار مەرافەگە وردەوردە بویە لەبان کرای ماشین  لەناوەین ئەو و یەکیگ لە سەرنشینەیل".

وتیش؛ "گەنجیگ خوار بیس ساڵ لەری هەڵواسین خوەی وە پەتلەناوماڵ خوەیان لە ئاوای (ئەبو غەنەم) لەقەزای فەجر باکوور پارێزگای زیقار خوەیکوشتیە".

سەرچەوەگە وتیش "هووکار خوەیکوشتنەگەی بەدی باردەوینی گەنجەگە بویە، هێزە ئەمنیەیل تا ئیسە لێکۆڵینەوە لە رویداوەگە کەن".

سەرچەوەگە دیاریکزد، "بەش بەڕەنگاربینەوەی تاوانەیل نو بازاڕ شیوخ، توەنستنە گەنجیگ بیس ساڵان دەسگیربکەن، کە 50 هەزار و مۆبایل ژنیگ دزیە  هەنای لەناو یەکیگ لە دوکانەیل ناوبازاڕ بویە لە باشوور شار ناسڕیە ناوەن پارێزگاگە.

سەرچەوە ئەمنیەگە دووپاتکرد، مەرافیگ لەناو بازیگەی توپان دروسبویە لە قەزای گرمە بەنی سەعید باشوور پارێزگای زیقار.

ئاشکرایکرد"لە مەرافەگە چەقوو وەکارهاوریاس و یەکیگ لە  لایەنەیل لە پشتەو زەخمداربویە" وتیش "زەخمدارەگە ناوبژیوان بازیە، و ئەرا چارەسەرکردن کلکریارە خەستەخانە".