هەواڵی کوردستان ئێستا

شەفەق نیوز/ وەزارەت ناوخوەی عراق، ئمڕوو یەکشەممە، راگەیان ئۆپراسیۆنیگ ئەمنی جویری جیوەجی کردنە لە ئەنجام دەسگردنە وەبان 183کگم مادەی هووشبەر و دەسگیرکردن تووڕیگ بازرگانیکردن وەمادەی هووشبەر لە بەغدای پایتەخت.

وەزارەتەگە لە بەیانامەیگ رەسیە ئاژانس شەفەق نیوز راگەیان، "وەڕێوەبەرایەتی گشتی کاروبار مادەی هووشبەر، لەری کاروبار مادەی هووشبەر کەرخ، توڕیگ بازرگانیکردن وە مادەی هووشبەر لە بەغدا پویچەوکردن کە 12 تومەتبار گرێدە خوەی، و دەسگیریا وەبان 183کگم مادەی ماریجوانا و مادەیل هووشبەر ترەک کە لە دەێشت وڵاتەگەو قاچاخکریانە".

لە بەیاننامەگە هاتیە ئۆپراسیۆنەگە لە ئەنجام " پشت بەسان لەبان بڕیارەیل دادگا کە دادگای لێکۆڵینەوەی کەرخ یەکەم، و وە چەودێریکردن راستەوخوەی لایەنەیل پەیوەنیدار دەرچگە، توومەتبارەیل ئەرا زیندان کلکریان ئەرا وەرگردن رێکارەیل یاسایی وەرانوەریان وەپای یاسایەیل بەرەنگاربوین مادەی هووشبەر".

دووپاتکرد "ئۆپراسیۆنەگە لەچوارچمگ تەقەلای خەسیگ تێد کە دەزگایەیل ئەمنی بەرەنگاربونقاچاخکردن و بازرگانی مادەی هووشبەر دەرچگە و وە پاڵپشتی بی سنووریگ حکومەت عراق، وە ئامانج سنوردارکردن ئێ دیاردە رخبەرە و پاراستن کۆمەڵگە لەلی".