فاتیمە سەڵاح ئەرکەوازی/ میرات كلتوری رەنگدانەوەی مێژووی میلەت و گەلە کە زندگی نەوەیل وەرین وە زینگی توومارکەێد، وەرجستەکردن بەها و نەریت و ناسنامەیانە، وەگەرد وەرەو نواچگن تەکنەلۆجیا و جەهانگیری، هەوەجەی زیاتریگ کەێد ئەرا پاراستن میرات كلتوری جی گرنگیدان زیاترە بەراورد وە جاران.
هاتێ بوودە پرسیار لای کەسەیلیگ ئەرا ئیرنگە هەوەجەی زیاتر کەێد مقیەتی میرات كلتوری بکەیمن؟
لە جواوی توەنیمن بوشیمن میرات كلتوری ریشگ قویڵیگ دیرێ و رەنگدانەوەی ناسنامەی کۆمەڵگەس، لەری پاراستنی پارێزگاری لە ناسنامەمان کەێمن لە لەناوچگن ئەرا نەوەیل ئایندە گوازێد، یەکیگ ترەک لە هووکارەیلی هۆگربوین زیاتریگە، میرات کەسەیل وە گوزەشتەیان بەسێد، هیلێد هەس وە شانازیکردن بکەێد وە کۆمەڵگاگەی.
ئەو شوینەیلە خاوەن میراتیگ کلتوری و ئاسەواری و کارەیلیگ دەسڕەنگینین دەشپیشخەری گەپیگ دیرن لە هاوردن گەشتیار و دەستەوەرکردن دەرفەت کارکردن، کە پاڵپشتی ئابووری ناوخوەیی کەێد.
هەمیشە ئاڵشکاریەیلیگ کەفنە وەر پاراستن میرات كلتوری، جویر پشتگوش خسن و لەناوچگنیان، یەیش دابین نەکردن بودجەی پێویست ئەرای یا تەقەلای پێویست هووکارە ئەرا رمیان شوینەوارەیل مێژوویی یا لەناوچگن کارەیل دەسڕەنگینی.
ململانێ و کارەساتەیل سروشتی جویر زەویلەرزە لافاو هەمیشە هووکارە ئەرا لەناوبردن بەشیگ گەپ لە میرات کلتوری، و هەمیش وەرەو نواچگن دابونەریتەیل و روشنگیریەیل نوو بوودە هووکار سڕین بڕیگ لە دابونەریتەیل وەرین.
هەمیشە ئەوەگ رۆل گەپیگ دیرێد لە پاراستن میرات کۆمەڵگەس، هەوەجەکەێد پەروەردە و فێرکردن میرات کلتوری بخەێدە ناو پرۆسەی خوەنین تا نەوەیل ئایندە ئاشنابوون لە گرنگیەگەی، و گرنگە تەکنەلۆجیا بارێدە وەکارهاوردن ئەرا توومارکردن میراتەیل و پاراستنی وەشیوەی دیجیتاڵی.
لە ئەنجام رەسیمنە ئەوەگ میرات کلتوری تەنیا ئەرکیگ وەرانوەر گوزەشتە نییە بەڵکم وەبەرهێنانە ئەرا ئایندەی نەوەیل بانان، میراتمان پێیەڵیگە لە ناوەین گوزەشتەمان کی بویمنە و هەوڵدەین بویمنە چە، وەی مدووە پێویستە گشتمان کاربکەیمن لە پێناو پاراستنی.