ب وێنه.. پۆله‌ندا هاریكاریێ پێشكێشى ساخله‌میا دهۆكێ دكه‌ت
رێڤه‌به‌رێ نه‌خۆشخانا هیڤی یا زارۆكان ل دهۆكێ دیاركركو ئه‌ڤرۆ 18/12/2019 وه‌لاتێ پۆله‌ندا هنده‌ك ئامێرێن نۆشدارى پێشكێشى سه‌نته‌رێ ژین یێ نه‌خۆشێن خوینی ل دهۆكێ كرن".
د. نزار به‌كر، رێڤه‌به‌رێ نه‌خۆشخانا هیڤی یا زارۆكان ل دهۆكێ بۆ (باسنیوز) دیاركر: "ئه‌ڤرۆ ب ئاماده‌بوونا (( Dominik Mosial)) قونسولێ پۆله‌ندا ل هه‌ولێر ئامێرێن نه‌خشه‌یێ دلى دگه‌ل ئامێره‌كێ گه‌له‌ك پێشكه‌ڤتى بۆ هندێ چه‌وا ده‌مارێن خوینێ دیاربن ب ساناهى كانۆله بۆ نه‌ساخێ بهێته چێكرن، هاتنه ڤه‌كرن. ئه‌ڤ هاریكاریا ب رێیا رێكخراوا كلكامش هاتینه دابینكرن كو قونسولخانا پۆله‌ندى دگه‌ل وه‌لاتیان پاره بۆ ڤێ هاریكارێ دابینكرینه. به‌رى نۆكه ژى ئامێرێ ئیكۆ مه ل نه‌خۆشخانێن دهۆكێ هه‌بوویه وخزمه‌ت پێ دهاته پێشكێشكرن بۆ نه‌ساخان لێ سه‌نته‌رێ ژین نه‌بوویه، نها ل سه‌نته‌رێ ژین ژى هاته دابینكرن. دێ پتر خزمه‌تا نه‌ساخان هێته كرن دناڤ سه‌نته‌رێ ژین دا".
خۆیا ژى كر: "ل دهۆكێ سه‌نته‌رێ ژین بۆ نه‌خۆشێن خوینى هاتیه ڤه‌كرن، ئه‌م تێدا چاره‌سه‌ریا وان زارۆكان دكه‌ین یێن تووشى تالاسیمیا دبن. راستى ژى مه به‌رده‌وام پێدڤی هه‌ڤكاریا هه‌موویان هه‌یه بۆ چاره‌سه‌رى و خزمه‌تكرنا ڤان نه‌ساخان".
