هەواڵی کوردستان ئێستا

شەفەق نیوز/ کتاو 100 ساڵ تەنیایی گابریال گارسیا مارکیز، کەوە یەکیگ لە خاسترین کتاوەیل سەدەی وەرین هەشمارکرێد و خاوەن خەڵات نۆبڵ ئەدەبیە کریاسە درامای تەلەفزیۆنی و رووژ 11ی 12 خرێدە وەردەس.

پێگەی فەرمی نێتفلێکس ئاشکرایکرد، لە رووژ 11ی 12ی 2024دا دراماگە پەخشکرێد که وینەگردن دراماگە لە ساڵ   2019ەو دەسوەپی کردیە وەلایەن   دوو دەرهێنەر کۆڵۆمبیی وەناوبانگەیل ئالێکس گارسیا لۆپێز و لاورا مۆرا کار دەرهێنانی کریاس و کۆمپانیای بەرهەمهێنەریش دینامۆی کۆڵۆمبییە.

نێتفلێکس لە گوزەشتە راگەیاندبوی  ماف ئەڵگەردانن کتاوەگە ئەرا دەق درامایی وەدەسهاوردیە و ئەکتەرەیلیش کەسەیل وە توانان کە لە دراماگە رۆل دوینن.

دراماگە وە دوو وەرز بڵاوکرێد و هەر وەرزیگ هەشت ئەڵقە گرێدەخوەی مەزەنەکرێد دوینەریگ خاس ئەرا خوەی کووبکەێد.

کتاو سەد ساڵ تەنیایی لە ساڵ 1967 چاپۆریایە، نزیکەی 50 ملیۆن کۆپی تائمڕوو لەلی فروشیاس وە یەکیگ لە پڕ فروشترین کتاوەیل دانرێد، لە ساڵ 1982 ئێ کتاوە خەڵات نۆبڵ ئەدەبی وەرگرد و ئەرا 40 زوان ئەڵگەردانن ئەرای کریاس و وە زوان کوردیش وەردەسە.