هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە خوەیکوشتن دویەتیگ لەناو ماڵەگەی وە سێدارە، و ژنیگ پەیا کریا کە یە 9 رووژە رفیاس، لە دوو رویداو جیاجیا لە دوو ناوچەی بەغداد پایتەخت.

سەرچەوەگە ئەرا ئاژانس شەفەق نیوز وت: دویەتیگ لەداڵگبوی ساڵ 2003 لەناو ماڵەگەی وە لەچک خوەی دادە سێدارە، لە ناوچەی بنووک باکوور بەغداد.

سەرچەوەگە وتیش: کەسوکارەیل دویەتەگە وتنە گیچەل وەرد شویەگەی داشتیە.

لە رویداویگ ترەک، سەرچەوەگە دیاری کرد کە کابرایگ ژنیگ لەداڵگبوی 1988 پەیا کرد، کە نیمچە بیهووش بویە، و ئەرا خەسەخانەی ناوچەی شوعلە باکوور بەغداد بریا.

وتیش: ژنەگە پارێزەرە، و لە 17ی ئی مانگە رفیاس، ز ریکارەیل پزشکی ئەرای ئەنجام دریا، و چەوەڕی کەن باێدە هووش خوەی تا ئاشکرای رویداوەگە بکەێد.